Thursday, July 26, 2007

يا واااابور يا مولع




انا اشتغلت من 3 اسابيع للاسف الشديد (لان موضوع الشغل ده طلع متعب اوى وكمان اول مرة اشتغل فى حياتى) المهم اول اسبوع كان متعب اوى واول يوم كان صعب اوى من اصعب الايام واسوء اللحظات اللى مريت بيها فى حياتى (لانك بتبقى ساعتها شبه على هابلوه ومش فاهم طبيعة شغلك بتحس انك كمالة عدد يعنى)وبما انى بشتغل فترتين مرة الصبح وراحة 3 ساعات وارجع تانى بليل وكمان الشغل فى محطة الرمل وانا من ساكنى باكوس المستقلة فيعتبر بعيد شوية


فكانت المشكلة الاولى المواصلات


فكنت اول اسبوع بروح بالمشروع وارجع فى السلحفة الزرقاء(التورماي يعنى)وزى ما اهل اسكندرية عارفين انه قتيل فكنت بتاخر فى الرجوع لحد ما مدير الحسابات فى الشركة اللى بشتغل فيها شار عليه بالقطاااار ووصفلى سكتة وياريته ما وصف


اولا انا بكره حاجة اسمها القطر لانى اخدت على الترام انه عربية للرجالة وعربية للستات انما القطر بزرميط كله على بعده


ثانيا من ساعة ما عملوا كراسى القطر صفين فى وش بعض والناس بقيت عجيبة اوى بيفضلوا باصيين لبعض زى افلام الكاوبوى ومين


يطلع المسدس الاول ويقوص التانى على راى اخوتنا اللبنانيين


ثالثا ممل وممكن بعض ما تقعد وتريح يوقلك القطر التانى هو اللى قايم وتلاقى الناس جريت واللى قاعد بقى واقف واللى واقف جرى وممكن تتأخر بالساعة


فى ميزة حلوووووووووووووووووة اوى فى القطر انك بتتفرج على الناس وجوههم ملامحهم فى كل الاحوال





  • واحد راجع من شغله تعبان وقرفان وبياخد تعسيلة فى القطر عشان احتمال يكون رايح شغل تانى


  • ناس جايه تصيف عندنا من اى محافظة تانية ومعاهم العيلة عيال وشنط وتلاقى عيلة صغيرة تسألك سؤال اعجاز علمى هيا امتى محطة اسكندرية وانت تقولها يا ماما انتى فى اسكندرية


  • ست قاعدة تسكت ابنها البمبينو الصغنون عشان عمال يصرخ ويعيط وعامل مهرجان فى القطر والواحد مصدع ومش ناقص


  • رجالة قاعدة فاتحة رجليها برجل زى ما يكون بيت ابوهم مش هاين عليهم يضموا رجليهم شوية عشان الست اللى قاعدة جمبيهم او يوسعوا لحد تانى


  • ست قاعدة ومقعده صف عيال ومش هاين عليها تقوم عيل وتقعد حد كبير فى السن او ست زيها بدل ما تقف فى الزحمة تتبهدل واللى يكيدك اكتر الكمسرى يجى تدفع لنفسها ومترضاش تدفع لعيلها اللى مقعداهم وتدب عركة مع الكمسري وبردك ماتدفعش الا لو كان الكمسرى لبط اكتر منها


  • دا غير المتسولين والباعة الجائلين نظام مشط فلاية غير الراجل بتاع العسلية واللى اكتشفته ان المتسولين نوعين السولام والمكسحين ودا عرفته من حوار حاد جدا بين احد الطرفين قبل ما القطر يطلع من المحطة القصة تبدا ان فى واحدة بتفرق اذكار الصباح والمساء ودى منقبة حتى المتسولين اتنقبوا المهم جوا الاذكار دى ورقة بتقول فيها انها ام لخمس بنات ايتام بتعولهم وفى مرة تانية كانت كاتبة اربعة اولاد ههههههه مش دى المشكلة كانت بتتعارك مع واحد مكسح رجل من رجليه مقطوعه مين هيسرح فى القطر هيا تقوله سبهولى وهوا مصمم يسرح فيه وهوا يقولها السولام واكلنها ولعة دا انا بنام فى الشارع وهيا تقوله لا ولالله دا انتوا اللى وكلنها ولعة ان بنعمة ربك فحدث فجه واحد من اللى بيبعوا مشط فلاية يتحايل عليه يسبلها القطر ده ويقولها مرات الشيخ يوسف المجنونة بتفرق كرملة فى القطر اللى هناك خليها تسيبوه واسرحى فيه انتى وقعدوا يهرتلوا فى الكلام شوية ومشوا كل ده يامسلمين والقطر لسه مطلعش من المحطة وانا قاعدة بستمع وكاتمة الضحك بالعافية لحسن يشوفونى دول روبطيه يا جدع حبه وخير اللهم اجعله خير لقيت واحدة بتفرق كرملة وبترميها رمى فى وشك قولت شكلها ليلة مش فايته فمحدش بيديها فلوس وهيا بتلمها وعماله تأفأف وترميها فى الكيسة تانى اخيرا انطلق القطر ولقيت المنقبة بتفرق هيا كمان عدةالشغل بتاعتها واتعودت اشوفها كل يوم ودا شغلهم يعنى زى ما بنصحي نروح شغلنا هما كمان كده


  • ممكن تلاقى نوعية الرجالة الهبلة المعاقة اللى غاوية قلةادب ومعاكسة الستات والنوع اللى شوفته عجيب شوية اول مرةاشوفه كنت قاعدة واتنين منقبات جمبى تقريبا ام وبنتها وكان فى راجل قاعد فى الكراسىاللى فى وشنا بيبص بطريقة عجيبة شويه انا مكنتش فايقة بصراحة راجعة من الشغل ومش شايفة قدامى ولو حد اتكلم نص كلمة هتف عليه احرقة المهم والقطر ماشى وعدت محطتتين بضرب عينى ناحيته لقيته بيبص للست المنقبة ويغمز قولت خير اللعم اجعله خير الواحد عنيه زغللت ولا ايه من قلةالنوم اواصيب بهلاوس بصريةولا عنده مرض الكلب المهم قولت اللهم اخزيك يا شيطان وخدت نظره عابرةفى القطر ورجعت بنظرى عليه لقيته بردك بيغمز بعنيه اللىعاوزه فقعها للست الغرابة ان الست لابسه بيشه مش مبينه عنيها ومش باين بصة فين يعنى احتمال كبير مش شايفاه اساسا السؤال اشمعنى اختار المنقبة عشان عارف انها ممكن تكون مش شايفه ويدرب كويس علىالغمز او يمكن لو واحدة مش منقبة كانت بهدلته صراحة انا كنت عاوز اعمله فضيحة واهزئه بس انا مش من النوع بتاع الفضايع والمهرجانات الكبيرة دى كفاية انه كان بيبص بيشوفنى واخدةبالى ولا لا منه لانى عطيته نظره ثاقبة شوف الغباء خايف منى ومش خايف من ربنا المهم بصراحة الراجل ليه عذرة يا خونا بيسلى طريقة بدل ما ينام فكرة جديدة ومبتكرة


دى شوية وجوه ومناظر من اللى شوفتها فى القطر واكيد لسه هشوف وجوه تانى وشخصيات تانية وعلى راى المثل اللى يعيش ياما يشوف



ملحــــــــــــــــــــــوظة هما الى اصحاب القلوب الرحيمة للحكومة اللى قاعدة فى التكيف جوه المكاتب الحكومة الالكترونية خاصة برئاسة الحج نظيف القطارات مفيهاش مراوح الناس هتموت من الحر يا ريت يبقى فى شوية احمر مش عشان جددتوا القطر تشيلوا المراوح لازم كل حاجة تعملواها تبقى ناقصة عمروكوا ما تكملوا جميلكوا علينا انا مش عاوزة قطر زى اللى فى الصورةانا عاوزة قطر صالح للاستهلاك الادمي بس حسبى الله ونعم الوكيل

Sunday, July 1, 2007

مجموعة أشعار سعاد الصباح 2










درس خصوصى


لا تنتقد خجلى الشـديد ..

فاننىدرويشة جــدا ... وأنت خبير

..ياسيد الكلمات ..

هبنى فرصة حتى يذاكر دروســه العصفور .

.خذنى بكل بساطتى ..

وطفولتى أنا لم أزل أصبـــو ..وأنت كبيــــر

.أنا لا أفرّق بين أنفى أو فمى فى حين أنت على النساء قدير ..

من أين تأتى بالفصاحة كلهـــا..وأنا .. يموت على فمى التعبيــر

أنا فى الهوى لا حول لى أو قوةان المحبّ بطبعـــه مكســــور

.انى نسيت جميع ماعلمتنى فى الحب

فاغفر لى وانت غفور

ياواضع التاريخ .. تحت ســريره
ياأيها المتشاوف المغـــرور .يا هادىء الأعصاب ..

أنك ثابت وأنا ..على ذاتى أدور ..أدور ..

الأرض تحتى دائما محروقة والأرض تحتك مخمل وحرير ..

فرق كبير بيننا ياســـــــيّدى

فأنا محافظـــة .. وأنت جســـورو

أنا مقيّدة ..
وأنت تطيـــــر ..

وأنا محــجّبة ..

وأنت بصيــــر ..

وأنا .. أنا .. مجهـــولة جدا ..وأنت شهير ..

*فرق كبير بيننا .. ياسيدى

فأنا الحضارة والطغاة ذكور ..



قبـــلة


قال لى ... وهو بطعم القبلة الحسناء أخبر

؛انّ فى ثغرك نافـــورة ياقـــــوت وعنبــر

لو رنا الــورد الى أنفاسها الحـــرّى تبخّر

أو دنا الرّاهـــب منها ... نسى الدّير ايسكر .

.كلّ حرف من جنى ثغــــرك مقطوعة ســـكّر

فاحذرى ان لامســـتها نســـمة أن تتكـــسّر

أنت يافاتنتى أحـــلى من الدنيـــــا وأنضـــــر

وابتساماتك تجلـــو الكون كالفردوس أخضر

أنت لى أمنيّة أحــــلى من الحــــبّ ، وأكبر



عــام سعيــــــد
عــام سعيــد
عام سعيــــد

انّى أفضّل أن نقول لبعضنا ؛
" حـب سعيد "

.ماأضيق الكلمات حين نقولها كالاّخرين

أنا لا أريد بأن تكون عواطفى منقولة عن أمنيات الاّخرين ..

أنا أرفض الحبّ المعبّأ فى بطاقات البريد ..

انّى أحبّك فى بدايات السّنه ..

وأنا أحبّك فى نهايات السّنه ..

فالحبّ أكبر من جميع الأزمنه

والحبّ أرحب من جميع الأمكنه

ولذا أفضّل أن نقول لبعضنا" حب سعيــد " ..

حبّ يثور على الطقوس المسرحيّة فى الكلام

حبّ يثور على الأصول ..

على الجذور ..

على النظام ..

حبّ يحاول أن يغيّر كل شىءفى قواميس الغرام



قصيدة قهوة


فـاجـأتـك..تـــشــــرب الــقـــهـــوة الــــسـوداء.

.مـن نـهــر عـيـنــي..

وتـقــرأ فيـهـمـا جـريـدتـك الصباحية

فــــصـرت أرتـاد الــمــقــاهـــي.

.لــتــشـــربـنــي..

وأشـــتـــري الــصـحــف الـصـبـاحـيـه

لـتـقــرأنـي..

.فـــاجــأتــك..

مختبأ في زجاج المرآة في حقيبة يدي..

.وأنــا أستـعـد لـلـخـروج مـــن الفندق

نـــســـيـــت مــكـان مــوعـدي

ونـــسـيـــت زمــان مــــوعــدي

ونـسـيـت مـــع مـــن كان مــوعــدي

وقـررت أن أبـقـى مـعـك..

فجأتك

تسرق القمح من سنابل شعري
وتخـبـئـه فــــي حقـيـبـتـك المدرسية

مـنـعـتـك مــــن مـواصـلــة الـلـعـبــة

فلم تمتنع وضربتك على يدك
كي لاتسرق الحنطة

فلم ترتدع

حاولت ان اعيدك الى المرسة فرفضت
وبقيت نائما تحت أشجار شعري



(( الإقامة الدائمة ))
وهـبـتـك مــفاتـــيـح مــدينــتــي
وعيــنــتـك حاكـما علــيهـا...

وطردت جــمـيـع الـمـسـتــشــاريــن

ونزعـت مــن معصـمـي أســاور الـخـوف..

وإرهـاب الـعـشـيــره...

لبـسـت ثـوبـي المشـغـول بخـيـوط اللهفه

وتــكحـلـت بـنـور عـيـــنـيــك

وزرعـــت في شـعــري زهرة بـرتـقــال

كـنـت أهـــديـتـها إلـــي...

وجـلــســت علـى الـعـرش أنـتــظــر..

.وأطـلـب الإقامـة الـــدائــمـة فـي مـديــنـة صــدرك..

.يـــمــــر عـطـرك فــي مـخـيــلــتــي

كــــســيـف مــن الــــمعـــــدن

يــــخــــتـرق الــجــدران...والــســتــائـــر

يــخـــتــرقـــــنـي...يـــبـــعـثـــر أجــزاء الــزمـن

يـــــبـعــثـــرنــي...

وتتركني أمشي حافية على زجاج المرايا...وتــرحــل...