Tuesday, June 12, 2007

هل تحب السفر الى اسرائيل؟ (اوعى تقول ايون)


خير اللهم اجعله خير قريت مقال مجدي مهنا (فى الممنوع) فى جرنان المصرى اليوم بتاريخ8 يونيو 2007 يوم الجمعة

المقال بيقول ايه بقى

علي موقع «بص وطل» الإلكتروني، الذي تشرف عليه الدكتورة آمال أبو الفضل، الأستاذة بجامعة الإسكندرية، طرح هذا السؤال: هل تحب السفر إلي إسرائيل؟..

وكانت إجابات الشباب علي الموقع كالآتي

وليد عمران: بجد عاوز واحد عقلاني يرد علي السؤال ده: مين يحب يسافر إنجلترا؟ أكيد كلكم.. طيب إيه الفرق بينها وبين إسرائيل؟ والله إحنا لو شايفين الخير في بلدنا، ماكناش فكرنا نشتغل في إسرائيل.. وإحنا شايفين كل المسئولين في البلد ماشيين علي حل شعرهم.. اللي عايش في شرم الشيخ.. واللي عنده قصور في ٦ أكتوبر.. وغيره وغيره.
هبهوبة: فعلاً شكل العلم الإسرائيلي مستفز.. ومهما كانت الصعوبات اللي في مصر.. ده لا يبرر أبداً السفر إلي إسرائيل.
نصر: أنا مش مصدق الموضوع ده من أصله.. معقول فيه شباب بيفكر يروح إسرائيل؟
نور حسنين: أنا من المنصورة.. وهي معروفة بكثرة أبنائها اللي بيسافروا لإسرائيل، والغريب أن هؤلاء الشباب عندما يعودون إلي مصر بيشوفوا الويل من مباحث أمن الدولة.. بصراحة مش عارفين مين السبب.. يا تري الحكومة التي قهرت الشباب ودفعته إلي قبول الذل لهذه الدرجة، أم أن الشباب أصبح عندهم هوس بالفلوس وبالحرية الجنسية المباحة في إسرائيل؟ ورأيي أن السلام بيننا وبين إسرائيل هو سلام سياسي فقط.. بمعني سلام قائم علي الورق فقط.
ميجو: بص يا باشا، بجد مش فارقة، وأنا أعرف واحد صاحبي عملها وسافر إلي إسرائيل، بس نعمل إيه، فعلاً إحنا معدش لينا عيش هنا، وعلي فكرة إسرائيل فعلاً تحب المصريين، ولو كان عندهم فرصة عمل لي، مش هتردد لحظة إني أروح هناك، بس علي شرط إني ماخونش بلدي خالص وينسوا إني مصري.
إبراهيم: أيوه عايز أسافر إسرائيل.. البلد بقت زي الزفت.
دكتورة أسنان: أنا مش مستغربة من الموضوع، أنا مستغربة ومذهولة من التعليقات، إزاى الشباب مابقاش همه ومستعد يشتغل في إسرائيل.. خلاص نسيوا التاريخ؟
حسن جاد المولي: الوجود في بلاد الفرنجة ليس بحرام ولا عيب، وغسل الصحون والبلاط ليس عاراً علي صاحبه، ولا يوجد مصري في تل أبيب جاسوس.. أخوك حسن جاد المولي، مصري مقيم في تل أبيب.

أحمد سعيد عبد العزيز: مهما كانت الأوضاع في البلد، فهذا ليس مبرراً للسفر إلي إسرائيل، لأنها العدو الأول للعرب وللمسلمين

مني: أنا عينيه دمعت، أنا عندي أموت في بلدي ولا أكون أميرة في بلد تانية.. بلدك وناسك وأهلك وحبايبك وعمرك كله، حسوا بقي.. حرام

.
سارة: أكرم كتير للمصريين اللي مش لاقيين شغل خالص في مصر، إنهم يسافروا إسرائيل ويشتغلوا مهن درجة ثالثة، واللي يخليهم ما يمسحوش بلاط في بلدهم ويروحوا يمسحوه لليهود، هو سبب بسيط، إنهم بيخدموا أغراب، بعدما أصبحنا كمصريين منبوذين.
ريكو: اللي خدته القرعة تاخده أم الشعور.
محمود فتحي: اعذروني أنا والشباب، هنعمل إيه؟ مش لاقيين حد يكلمنا ولا يسمعنا ولا شغل، والدولة إيدك منها والقبر.
أزموس: أنا يا جماعة بصراحة مسافر إسرائيل، وظروفي إني رايح إسرائيل زيارة لخطيبتي الفلسطينية اللي عايشة في القدس، وعفواً هناك في إسرائيل رقم رسمي يشير إلي أن هناك ٣٠ ألف شاب مصري يعملون في إسرائيل، وأنا لما أخلص دراستي نفسي أسافر هناك، خصوصاً إني أسمع أنهم بيحبوا المصريين، وبصراحة كده بيكرهوا العرب والفلسطينيين.
عماد عثمان: إسرائيل ليست جنة ولا حاجة، والبطالة فيها أصبحت بنسبة مرتفعة، والدولة بتقول محدش يسافر، والناس برضه تسافر غصب عن الدولة.
.. غداً نطرح سؤالا آخر وتعليقات الشباب علي قضية الجاسوس محمد سيد صابر، الموظف بهيئة الطاقة الذرية.



بالامانة انا كنت بقرأ المقالة وانا بضحك بس بعد كده قعدت مذهولة شوية كده ومندهشة من الردود حسيت ان مصر كلها مسافرة اسرائيل ومش هيبقى فى زحمة تانى فى البلد والدنيا هتزهزة وان اسرائيل كده بقيت بالنسبالنا زى ليبيا كده نروح نشتغل شهرين ونعمل قرشين ونرجع واننا بقينا زى السمن على العسل وانى ممكن اصاحب ناس اسرائيلين واعزمهم على العشا فى بحرى خلاص بقى مهى زاطط


لا وايه مش بس كده بما اننا هنروح هناك بقى اسرائيل ونشتغل عندهم نعملنا جالية هناك او نعمل لوبى مصرى ونكتر كده ونبقى اغلبية ونسيطر على اقتصادهم ومش بعيد تحصل معجزة واحنا اللى نحتلهم وناخد اللى بيقولوا عليها اسرائيل منهم ونبقى احنا الاحتلال

هههههههه ساعتها هيطفشوا ويسبوها ومش بعيد هما اللى يجوا مصر

انا بجد حزينة لحالة اللامبالاة اللى بقيت عند مش هاقول معظم انما بعض الشباب اللى بس مش هيعمل كده لا حتى اللى خانة تفكيرة وبيفكر يعمل كده لا دا المصيبة ان فى ناس متفشخرة اوى انها مقيمة فى تل ابيب تقولش قاعدين فى جنة الخلد(اللهم لا اعتراض)

مفيش حد مثالى وانا مش مثالية ولا بقول نبقى مثاليين احنا بشر والانسان نصين ملاك وشيطان بس واجبنا اننا نقف جمب البلد دى مش نروح نشتغل عندألد اعدائنا هوا اه مخدناش حاجة مفيدة اوى تعليم واكل وشرب بايظ وشغل مفيش بس نعمل بشوية الحاجات دى شوية انتماء

دا لو واحد اسرائيلى هوا اللى بيتسأل مش هيعلق التعليقات المخجلة دى

Thursday, June 7, 2007

مجموعة قصائد للشاعرة سعاد الصباح 1











من اجمل الشاعرات اللى بحب أقرلهم الشاعرة الكويتية سعاد الصباح عشان شعرها شبه شعر نزار قبانى ودا تعريف بسيط عنها وبعض قصائدها








  • ولدت الدكتورة سعاد محمد الصباح في الكويت ( 22/أيار/1942 )،وجدُّ والدها هو الشيخ محمد الصباح الذي حكم الكويت بين عامي (1892 – 1896 )..•حصلت على شهادة البكالويوس في الاقتصاد من جامعة القاهرة عام 1973م •نالت درجة الدكتوراه في الاقتصاد والعلوم السياسية من جامعة ساري جلفورد في المملكة المتحدة عام 1981م ..




  • مؤلفات الدكتورة سعاد الصباح: أصدرت الدكتورة سعاد الصباح ( 15 ) مجموعة شعرية بين العامين ( 1961 – 2005 ) بالإضافة إلى ( 10 ) مؤلفات في الاقتصاد وحقوق الإنسان. تناولت د. سعاد الصباح من خلال شعرها هموم المرأة الخليجية بشكل خاص والمرأة العربية بشكل عام، بالإضافة إلى بعض القضايا العربية .... وغيرها. وترجمت قصائدها إلى العديد من اللغات الحية في العالم وهي: الإنجليزية و الفرنسيـة و الإسبانيـة و الصينيـة و الفارسية و البلغارية و الأوكرانية و الجورجية و الألمانية و الطاجيكية و الإيطالية.




  • مؤلفاتها الشعرية: 1.ومضات باكرة : 1961 2.لحظات من عمري: 1961 3.من عمري : 1963 4.أمنية : 1971 5.اليك يا ولدي : 1982 6.فتافيت امرأة : 1986 7.في البدء كانت الانثى : 1988 8.حوار الورد و البنادق : 1989 9.برقيات عاجلة الى وطني : 1990 10.آخر السيوف : 1992 11. قصائد حبّ : 1992 12.امرأة بلا سواحل: 1994 13. خذني إلى حدود الشمس: 1997 14.القصيدة أنثى و الأنثى قصيدة : 1999 15. والورود تعرف الغضب : 2005







العالم أنت



خـــــــــــــــذ الــــخــــريــــطــــه ورتــبـــهـــا كــــمــــا تــــشــــاء فـــــالـــــقـــــارات أنـــــــــــــــت والـــــبـــــحـــــار أنـــــــــــــــت.وأنـــــــــــــــــا أنـــــــــــــــــت..



من اسمـك تبـدأ جغرافيـة المكـان



ومن عينيك تأخذ البحـار ألوانهـا



ومـن ثغـرك يولـد الليـل والنهـار



ومــــــن إقـــاعــــات صـــوتــــك



ومـــــــن شــرايــيـــن يــــديــــك



أولــــــــــــــــــد أنــــــــــــــــــا.



.يــــطــــاردنــــي حــــــبـــــــك...كـسـمــكــة قــــــرش لاتــشــبــع



يطاردني فوق الماء،وتحت الماء



يختار نقاط الضعـف فـي أنوثتـي



ويـضـربــنــي بــــــلا هـــــــواده عــلـــى وجــهـــي



يـضـربـنــي..عــلـــى صــــــدري



يـضـربــنــيعـــلـــى ظـــهـــري يـضـربــنــي عــلــى أصـابـعــي



يـضـربـنــي..حــــتــــى يــصـــبـــغ دمـــــــــي جميع المحيطات باللون الأحمر..









(1)كم جميل لو بقينا أصدقاء



إن كل امرأة تحتاج أحياناً إلى كف صديق



وكلام طيب تسمعه وإلى خيمة دفء صنعت من كلمات



فلماذا يا صديقي لست تهتم بأشيائي الصغيرة؟



ولماذا لست تهتم بما يرضي النساء؟



(2) كن صديقي



كن صديقي



إنني أحتاج أحياناً لأن أمشي على العشب معك



وأنا أحتاج أحياناً لأن أقرأ ديواناً من الشعر معك



وأنا –كامرأة– يسعدني أن أسمعك



فلماذا –أيها الشرقي– تهتم بشكلي؟



ولماذا تبصر الكحل بعينيَّ ولا تبصر عقلي؟



إنني أحتاج كالأرض إلى ماء الحوار



فلماذا لا ترى في معصمي إلا السـِّـوار؟



ولماذا فيك شيء من بقايا شهريار؟



(3) كن صديقي



كن صديقي



ليس في الأمر انتقاص للرجولة



غير أن الرجل الشرقي لا يرضى بدور غير أدوار البطولة



فلماذا تخلط الأشياء خلطاً ساذجا؟



ولماذا تدعي العشق وما أنت العشيق؟



إن كل امرأة في الأرض تحتاج إلى صوت ذكي وعميق



وإلى النوم على صدر بيانو أو كتاب



فلماذا تهمل البعد الثقافـيَّ وتـُـعنى بتفاصيل الثياب؟



(4) كن صديقي



كن صديقي



أنا لا أطلب أن تعشقني العشق الكبيرا لا



، ولا أطلب أن تبتاع لي يختاً وتهديني قصورا لا



، ولا أطلب أن تمطرني عطراً فرنسيّاً وتعطيني مفاتيح القمر



هذه الأشياء لا تسعدني فاهتماماتي صغيرة وهواياتي صغيرة



وطموحي هو أن أمشي ساعات وساعات معك تحت موسيقا المطر



وطموحي هو أن أسمع في الهاتف صوتك عندما يسكنـني الحزن ويُـبكيني الضجر.





  • *يقولــــــون *

ان الكتابة اثــــم عظيـــم ...فلا تكتبـــى .


وانّ الصلاة أمام الحروف ... حرام فلا تقربـــى .


وانّ مداد القصائــــــد سمّ ...فايّاك أن تشربى .


وها أنـــــذاقد شـــربت كثيرافلم أتسمّم بحبر الدواة على مكتبى


وها أنـــــذا ...قد كتبت كثيــــرا


وأضرمت فى كل نجم حريقا كبيرا


فما غضب الله يوما علىّ ولا أســتاء منىّ النبىّ


*يقولــــــون*


انّ الكلام امتياز الرجــال ...فلا تنطقى !!


وانّ التغزّل فنّ الرجــــال ...فلا تعشقى !!


وانّ الكتابة بحر عميق المياه فلا تغرقى ..


.وها أنذا قد عشقت كثيرا ...


وها أنذا قد سبحت كثيرا ...


وقاومت كلّ البحار ولم أغـرق


*يقولـــــون*


انى كسرت بشعرى جدار الفضيله


وان الرجال هم الشعراء فكيف ستولد شاعرة فى القبيله ؟؟


وأضحك من كل هذا الهراء


وأسخر ممن يريدون فى عصر حرب الكواكب ..وأد النســاء


...وأسأل نفسى


لماذا يكون غناء الذكور حلالاويصبح صوت النساء رذيـــــله ؟


لماذا ؟يقيمون هذا الجدار الخرافىّ


بين الحقول وبين الشــــجروبين الغيوم وبين المطر


ومابين أنثى الغزال ، وبين الذكر ؟


ومن قال ؛ للشعر جنس ؟


وللنثر جنس ؟


وللفكر جنس ؟


ومن قال ان الطبيعة ترفض صوت الطيـــور الجميله ؟


*يقولـــــون *


انّى كســـرت رخامة قبرى ...وهذا صحيــــح .


وانّى ذبحت خفافيش عصرى ...وهذا صحيــــح .


وانّى اقتلعت جذور النفاق بشعرى


وحطّمت عصر الصفيح فان جرّحونى


...فأجمل مافى الوجود غزال جريح


وان صلّبونى . فشكرا لهم


لقد جعلونى بصفّ المســـيح ...


*يقولـــون*


ان الأنوثة ضعـــف وخير النساء هى المرأة الراضيه


وانّ التحرّر رأس الخطاياوأحلى النساء هى المرأة الجاريه


*يقولـــون *


ان الأديبات نوع غريب من العشب ... ترفضه الباديه


وانّ التى تكتب الشعر ...ليســت سوى غانيــــه !!


وأضحك من كلّ ما قيل عنّى


وأرفض أفكار عصر التنك ومنطق عصر التنك


وأبقى أغنّى على قمّتى العاليه وأعرف أنّ الرعود ستمضى ...


وأنّ الزوابع تمضى ...


وأن الخفافيش تمضى


...وأعرف أنّهم زائلــــــــون وأنّـــــى أنا الباقيـــــــــه ....

Friday, June 1, 2007

اسكندرية وووووووووو بس















فى اول بوست ليا حبيت اكتب عن حاجة بعشقها اوى وهى مدينتى عروسة البحر اسكندرية وما ادرك ما الاسكندرية مش زى مابيقول القاهريين عنا ميه مالحة ووشوش كالحة لا دا اسكندرية يعنى الدم الخفيف واحلى ناااااس ساعات بتخيل لو عشت فى حتة تانية غيرها هعيش ازاى

اولا ازاى مركبش كل يوم السلحفة الزرقاء الاسم الحركى للترام او خلينا نقولوها بالاسكندرانى تروماى ويمشى يتمختر بقى وحده وحده لما بيكون الواحد مستعجل بيبقى عاوز ينزل يزوقه او ينزل السواق ويسوق هوا وميوقفش فى المحطات بس بقى يا سلام وانتى ماوركش حاجة وخدته من فكتوريا لمحطة الرمل وتقعد جمب الشباك هتتفرج على خلطة سكانية عجيبة ومناطق شعبية جمب مناطق نضيفة وياسلام بقى لو ربنا قدرك وكملت بالترام الصفرة لحد بحرى هتتفرج على اسكندرية بجد

ثانيا ازاى اعيش من غير البحر والتمشية على الكورنيش وانك مهما لفيت هينتهى بيك المشوار عند البحر ولو حبيت تكمل اضرب غطس فى البحر وكاتش يمين وكاتش شمال تلاقى نفسك فى اليونان واحلى حاجة لما تكون زهقان وقرفان وتروح تقعد على الكورنيش وتبص للبحر والسماء وتشوف المراكب من بعيد وفى اخر القعدة تلاقى وشك عليه اليود وبقى مملح وتضطر ترجع بيتكوا تستحمي

ساعات بفكر كتير وانا ببص للبحر هوا فى عروسة بحر بجد يعنى ممكن هوب مرة واحدة الاقيها قدامى اكيد ساعتها يا هطوب ساكتة فى مكانى يا صرخ واقول يا ناس يا هوااااااا عروسة بحر الحق يا جدع ساعتها هيقولوا مين المجنونة دى هههههههه

ويااااااااااااااااسلام بقى لو اتمشيت على البحر والدنيا بتشتى وفى عز نوه طبعا لو عملت كده تبقى مجنون بس بجد بيبقى احساس حلو اوى وانت عامل زى الكتكوت المبلول وكمان تبقى امك دعيالك لو جت موجة عالية وطشت فيك بالمرة يبقى ضمنت يا حلو التهاب رئوي

السؤال بقى افطن افطن فى حتة تانية فيها كده؟

انا عن نفسى معرفش بس انا مخرجتش بره اسكندرية غير مرتين كانوا رحلات للقاهرة يوم واحد سده رده يعنى وكان احساسى ساعتها انى ممكن ادفع نص عمرى وارجع اسكندرية تانى كنت حسة بغربة الجو غريب والناس اغرب

فى اسكندرية تمشى فى الشارع تحس ان الناس دمها خفيف كلهم حركة وحيوية وبيلبسوا الوان كتير وفاقعة خصوصا البنات ريحة الجو يود من البحر تحس ان البلد مفتوحة لان البحر ملهوش اخر بتبقى عاوز تعرف الناحية التانية فيها ايه

فى القاهرة الناس( زى ماشوفت ودا رأى الخاص)مكشرين لبسهم كئيب وتحس انهم خانقة مبيدوش وياخدوا فى الكلام والجو اكئب وزى مايكون فى ترابه او مغيم يمكن عشان السحابة السودة اللى بيقولوا عنها ومع احترامى للنيل مش شايفة انه فيه سحر يعنى تبص منه تلاقى الناحية التانية والميه معكرة بلد مقفولة تتوه فيهااااااااا عشااااان كده بتوع القاهرة بيهجموا علينا فى الصيف وهيموتوا ويعيشوا هنا

ياريت مكونش تقلت عليكوا انا حبيت اتكلم بس عن معشوقتى للابد

http://www.alex4all.com/واللى عاوز يعرف اخبار اسكندرية دا اللينك بتاع الموقع الرسمى لسكندرية

ودى احسن مدونة شوفتها بتكلم عن اسكندرية http://eskandaranaya.blogspot.com/

ودى بقى مدونة عن مسقط رأسي باكوس (جمهورية الصين الشعبية)http://baccus-city.blogspot.com/index.html
امضاء
عاشقة الاسكندرية